Find answers to common legal questions and learn more about your rights
Endapo kuna wawakilishi wa usalama wa afya zaidi ya mmoja katika eneo la kazi, sheria inamtaka mwajiri kuunda kamati za usalama na afya mahali pa kazi. Kamati hizi zitafanya kazi mahususi ya kuhakikisha hali ya usalama na afya mahali pa kazi na waajiriwa wako katika mazingira mazuri.
Kwa wafanyakazi ambao wanafanya kazi wakiwa wamesimama, sheria inaelekeza kuwa viti vya kukaa vinatakiwa kuwepo ili wafanyakazi hao wakae wakati wanapopata mapumziko muda wowote wakati wa saa za kazi.
Maombi ya kukata rufaa dhidi ya maamuzi ya mkaguzi huwasilishwa kwa Mkaguzi Mkuu ili kuona kama kuna sababu za mashiko kuruhusu rufaa hiyo.
Maombi ya usajili wa kiwanda au eneo la kazi huwasilishwa kwa Mkaguzi Mkuu.
Ndiyo mkaguzi anaruhusiwa kisheria kuwa shahidi kwenye shitaka la jinai ambalo amelianzisha au amelifikisha mwenyewe mahakamani.
Ndiyo, sheria inamtaka mtu yeyote ambaye ni mmiliki wa eneo la kazi au kiwanda kabla ya kuanza kazi kuhakikisha anafanya usajili kwa Mkaguzi Mkuu na kama ilivyoelekezwa kisheria. Hivyo basi, kabla ya kuanza biashara au kazi husika, mmiliki huyo anapaswa kuandikisha kwa Mkaguzi Mkuu.
Adhabu yake ni kifungo cha miezi mitatu jela au faini isiyozidi shilingi milioni mbili za kitanzania au vyote kwa pamoja.
Anayeweza kufanya uchunguzi au ukaguzi wa lifti za majengo ya kiwanda au mahali pa kazi ni mtu aliyethibitishwa kufanya hivyo na Mkaguzi Mkuu.
Baada ya kukamilisha uchunguzi, mkaguzi anatakiwa kuandika ripoti na kuikabidhi kwa Mkaguzi Mkuu kwa lengo la kushughulikiwa ipasavyo.
Baada ya maombi kuwasilishwa kwa Mkaguzi Mkuu na Mkaguzi Mkuu kujiridhisha kuwa eneo husika la kazi au kiwanda kimefuata taratibu zote za kisheria atatoa Cheti Maalumu cha Usajili.
Baada ya Mkaguzi Mkuu kupokea ripoti ya uchunguzi na kujiridhisha anaweza; i. Kutoa ushauri kwa kadri inavyowezekana ii. Kutoa maelekezo ya kufanya marekebisho husika iii. Kutoa katazo la jambo fulani iv. Kulifikisha suala hilo mahakamani ili hatua za kisheria zichukuliwe ipasavyo.
Hapana, kwa mujibu wa kifungu cha 87 cha Sheria ya Usalama na Afya Mahali pa Kazi, makosa yote chini ya sheria tajwa yanatakiwa kusikilizwa na kutolewa maamuzi na Mahakama ya Hakimu Mkazi au Mahakama ya Wilaya na Hakimu anayesikiliza kesi hiyo anatakiwa kuwa Hakimu Mkazi.
Hapana, mwajiri haruhusiwi kupunguza mishahara ya wafanyakzi kwasababu ya gharama zozote za ukaguzi unaofanywa chini ya Sheria ya Usalama Afya Mahali pa Kazi wala kwa ajili ya ununuzi wa vifaa vinavyotumika kwa ajili ya kutekeleza matakwa ya Sheria ya Usalama na Afya Mahali pa Kazi. Hii ni kwasababu Sheria inamtaka mwajiri kugharamia gharama zote hizo yeye mwenyewe na si mtu mwingine.
Hapana, Sheria imeweka katazo kwa daktari anayefanya vipimo vya afya ya wafanyakazi pamoja na mwajiri kutunza siri za matokeo ya vipimo hivyo.
Hapana, sheria inamruhusu Mkaguzi Mkuu kufanya kazi ile ile mwenyewe hata baada ya kuikasimisha kwa afisa yeyote.
Hapana, Sheria kupitia kifungu cha 65 inamtaka mwajiri anayemwajiri mtu kufanya kazi katika shughuli za kilimo kuhakikisha kuwa mwajiriwa huyo hafanyi kazi katika mazingira hatarishi kama vile maeneo ya wanyama wakali au matumizi ya madawa yanayoweza kumsababishia madhara ya kiafya.
Hapana, Sheria kupitia kifungu cha 67 inaelekeza wazi kuwa matumizi ya vifaa au kemikali zenye sumu litakuwa ni chaguo la mwisho, yaani pale ambapo kazi hiyo haiwezi kufanyika kwa kutumia vifaa au kemikali zingine zisizo na sumu.
Hapana, Sheria ya Usalama na Afya Mahali pa Kazi inampa haki mwajri au mwajiriwa anayehojiwa na mkaguzi kutojibu maswali au kutoa ushahidi ambao unaweza kumtia hatiani yeye mwenyewe.
i. Kufanya ukaguzi mahali pa kazi kujiridhisha kama taratibu na kanuni zinafuatwa ipasavyo. ii. Kuhifadhi rejesta ya viwanda iii. Kuhifadhi nyaraka zote ambazo zinahusiana na viwango vya usalama na afya kama ilivyoelekezwa kwenye sheria, kanuni na miongozi. iv. Kuhifadhi nyaraka zote ambazo zinatakiwa kusajiliwa chini ya sheria v. Kuteua wakaguzi ambao watapewa cheti maalumu na wenye mamlaka kisheria kutembelea na kukagua sehemu ya kazi.
i. Kuingia na kufanya ukaguzi wakati wa mchana au usiku kwenye eneo lolote la kazi linalotambulika kisheria bila hata kutoa taarifa ii. Kuingia na kukagua sehemu yoyote ambayo kuna sababu za kuamini ni eneo la kazi ambapo vitu vyenye asili ya mlipuko vinahifadhiwa au kutumika iii. Kumtaka mtu yeyote anayekutwa eneo la kazi kuwapatia taarifa wanayoihitaji pale ambapo mtu huyo ana mamlaka ya kutoa taarifa iv. Kutekeleza majukumu mengine yanayohusisha ukaguzi wa mashine au vitendea kazi vyote eneo la kazi.
i. Kusajili sehemu za kazi ii. Kufanya ukaguzi wa jumla iii. Kutathmini hatari zilizopo mahali pa kazi iv. Kufanya mapitio ya michoro na majenzi ya sehemu za kazi v. Kufanya uchunguzi wa afya na magonjwa kulingana na kazi husika mahali pa kazi vi. Kufanya uchunguzi wa ajali zinazotokea sehemu ya kazi vii. Kufanya tathmini ya athari ya kimazingira viii. Kutoa ushauri wa kitaalam kuhusu masuala ya afya na usalama mahali pa kazi
i. Kusimamia utekelezaji wa Sheria namba 5 ya mwaka 2003 ya Usalama wa afya mahali pa kazi. ii. Kuishauri serikali kuhusu masuala ya usalama na afya mahali pa kazi, kuhusiana na sera, kanuni na miongozo mbalimbali ya usimamizi wa usalama na afya nchini. iii. Kuongeza uelewa miongoni mwa wadau kuhusiana na masuala ya Usalama na Afya kwa kutoa mafunzo mbalimbali ikiwemo kutoa ushauri wa kitaalamu kwa wadau. iv. Kufanya tafiti mbalimbali zinazohusiana na masuala ya usalama na afya katika sehemu za kazi ili kuweza kushauri serikali namna bora ya kutekeleza sera tajwa.
i. Mtu yeyote ambaye anamiliki kiwanda au eneo lolote la kazi haruhusiwi kuteuliwa kuwa mkaguzi. ii. Mtu yeyote anayenufaika na kiwanda au eneo la kazi moja kwa moja haruhusiwi kuwa mkaguzi. iii. Pia mwajiriwa wa kiwandani au eneo la kazi haruhusiwi kuteuliwa kuwa mkaguzi.
Ikiwa ni duka au ofisi, Mwakilishi wa Usalama wa Afya awe mmoja kwa wafanyakazi miamoja (100) au chini ya hapo. Ikiwa ni kiwandani, angalau anahitajika Mwakilishi wa Usalama wa Afya mmoja kwa kila wafanyakazi hamsini (50) wa kiwanda.
Kama ikitokea hali hiyo, Mkaguzi Mkuu atamwandikia notisi ya maandishi mwajiri husika akimtaka kuwa na wawakilishi wanaotakiwa kwa mujibu wa sheria.
Kifungu cha 22 (1) cha Sheria ya Usalama na Afya Mahali pa Kazi kinamtaka mtu baada ya kupewa uthibitisho kujenga kiwanda, kumwita Mkaguzi Mkuu kwa ajili ya kufanya ukaguzi mwingine wa zoezi la ujenzi wa kiwanda hicho.
Kirefu cha OSHA ni “Occupational Safety and Health Authority”.
Kisheria mmiliki wa kiwanda au mahali pa kazi anatakiwa kutoa taarifa kwa Mkaguzi Mkuu mwezi mmoja kabla ya kuisha kwa muda wa cheti cha mwaka uliopita.
Kutojisajili ni kosa la jinai kwa mujibu wa sheria. Adhabu ya kosa hili inaweza kuwa faini isiyopungua shilingi milioni moja na isiyozidi milioni tano au kifungo jela kisichozidi miezi kumi na mbili au vyote kwa pamoja. Iikiwa ataendelea na kazi pasi na kuwa na cheti hicho hata baada ya kulipa faini au kutumikia kifungo jela, sheria inatoa adhabu ya faini ya kiasi cha shilingi laki moja kwa kila siku tangu kosa hilo liendelee.
Kwa mujibu wa sheria ya usalama wa afya mahali pa kazi taasisi ya OSHA ndiyo wakala wa Serikali anayetambulika kisheria na mwenye wajibu wa kushughulikia masuala yote yanayohusiana na usalama wa afya mahali pa kazi.
Leseni ya utii hutolewa kwa kipindi cha muda wa mwaka mmoja (yaani miezi kumi na mbili).
Leseni ya utii ni cheti au leseni ambayo mmiliki wa kiwanda au mahali pa kazi anapewa kwa kipindi cha muda fulani baada ya kuwa ametimiza matakwa yote ya msingi ya kisheria yanayohusiana na usalama na afya mahali pa kazi.
Majeruhi anapohitaji huduma zaidi baada ya kupatiwa huduma ya kwanza, sheria inaelekeza kuwa huduma ya usafiri wa kuaminika itolewe na kumfikisha katika kituo cha utoaji wa huduma za afya.
Mambo ya kazi yako chini ya Wizara ya Nchi, Ofisi ya Waziri Mkuu (Kazi, Vijana, Ajira na Watu Wenye Ulemavu).
Maombi ya usajili wa kiwanda au mahali pa kazi yanatakiwa kufanywa kabla ya kuanza kazi husika kiwandani hapo au mahali pa kazi.
Mkaguzi Mkuu wa Usalama na Afya mahali pa kazi hupatikana kwa njia ya kuteuliwa. Mkaguzi Mkuu huteuliwa na Waziri mwenye dhamana ya mambo ya kazi.
Mmiliki wa kiwanda ambaye hajaridhishwa na maamuzi ya Mkaguzi Mkuu anaweza kukata rufaa dhidi ya maamuzi hayo.
Mmiliki wa kiwanda anapobadilika, mmiliki huyo mpya ana wajibu wa kumtaarifu Mkaguzi Mkuu juu ya mabadiliko hayo na anatakiwa kufanya hivyo ndani ya kipindi cha mwezi mmoja baada ya mabadiliko hayo.
Mmiliki wa kiwanda kilichokuwa kimesajiliwa au mahali pa kazi ana wajibu kisheria pale anapotaka kufunga na kuacha kufanya kazi kumtaarifu Mkaguzi Mkuu kuwa amefunga kiwanda na kwamba ameacha kufanya kazi husika.
Moja, jina la mmiliki huyo Mbili, Anwani na mahali kilipo kiwanda hicho au mahali pa kazi Tatu, Aina ya kazi inayofanyika au itakayokuwa inafanyika mahali hapo au kiwandani hapo Nne, Idadi ya waajiriwa au watu wanaotarajiwa kuajiriwa
Moja, Jina la mmiliki wa kiwanda au mahali pa kazi Mbili, Anwani na mahali kiwanda kilipo au mahali pa kazi Tatu, Aina ya kazi inayofanywa kiwandani hapo au mahali pa kazi Nne, Muda wa uhalali wa leseni hiyo (kabla ya kuisha muda wake) Tano, Jina la afisa aliyetoa leseni hiyo
Moja, kufanya mapitio ya hatua na tahadhari zilizochukuliwa na kiwanda eneo la kazi kuhakikisha usalama wa afya mahali pa kazi Mbili, Kuweka bayana hatari zilizopo eneo la kazi na ajali zinazotokea kiwandani au eneo la kazi. Tatu, Kushirikiana na mwajiri katika kuchunguza chanzo cha ajali katika eneo la kazi Nne, Kuchunguza malalamiko yanayoletwa na mwajiriwa kuhusiana na usalama wa afya ya mwajiriwa eneo la kazi. Tano, Kumsaidia mkaguzi ikiwa atafika katika eneo husika kwa ajili ya ukaguzi
Moja, Taasisi ya OSHA Mbili, Wizara ya Nchi, Ofisi ya Waziri Mkuu (Kazi, vijana, Ajira na Watu Wenye Ulemavu) Tatu, Shirikisho la Vyama vya Wafanyakazi Nchini Tanzania (TUCTA) Nne, Shirika la Kazi Duniani (ILO)
Mtu anayeweza kuchagaliwa kuwa Mwakilishi wa Usalama wa Afya katika eneo la kazi ni mwajiriwa yeyote aliyeajiriwa kwa ajira ya kudumu na anaye elewa vizuri mazingira na shughuli zote zinazofanywa katika eneo husika.
Mwajiri anakuwa na wajibu wa kuhakikisha kuwa hatua zote zinazowezekana zinachukuliwa kwa ajili ya kuwakinga waajiriwa kuvuta moshi, vumbi au vitu vingine vya aina hiyo, kuhakikisha kuwa moshi au vumbi haiingii ndani ya chumba cha kufanyia kazi na kuhakikisha kuwa mtu yeyote haruhusiwi kula chakula au kunywa kinywaji akiwa ndani ya eneo hilo lenye moshi au vumbi hiyo ili isiingie kwenye chakula au kinywaji hicho.
Mwajiri anatakiwa kukata rufaa ndani ya siku thelathini (30) baada ya maamuzi hayo kutolewa.
Mwajiri anatakiwa kumteua mtu anayejulikana kama “Mwakilishi wa Usalama wa Afya” katika eneo husika la kazi.
Mwajiri au mmiliki wa kiwanda au mahali pa kazi ndiye mwenye wajibu kisheria chini ya kifungu cha 75 (2) kuhakikisha kuwa vyombo vyote vinavyohifadhi kemikali vinakuwa na nembo zinazotofautisha chombo kimoja chenye kemikali fulani na chombo kingine chenye kemikali nyingine.
Mwenye mamlaka ya kupanga kiasi cha ada ya usajili wa viwanda au mahali pa kazi ni Waziri mwenye dhamana ya mambo ya kazi baada ya kushauriana na Waziri wa Fedha na Mipango.
Mwenye wajibu kisheria kuhakikisha kuwa ngazi na kuta za majengo ya kiwanda au mahali pa kazi zinakuwa katika hali salama kwa ajili ya usalama wa wafanyakazi ni mwajiri au mmiliki wa kiwanda au mahali husika pa kazi.
Ndiyo, kifungu cha 21 (3) (a) cha Sheria ya Usalama na Afya Mahali pa Kazi kinaeleza kuwa mtu huyo anayehitaji uthibitisho wa michoro yake anatakiwa kulipa ada itakayopangwa kwa ajili ya uthibitisho wa michoro hiyo.
Ndiyo, kwa mujibu wa kifungu cha 21 (2) (b) cha Sheria ya Usalama na Afya Mahali pa Kazi, Mkaguzi Mkuu anatakiwa kutoa sababu za kukataa kuthibitisha michoro hiyo.
Ndiyo, Mkaguzi ana haki ya kusikilizwa wakati wa rufaa iliyokatwa na mmiliki wa kiwanda dhidi ya maamuzi ya Mkaguzi Mkuu.
Ndiyo, mkaguzi ana mamlaka ya kumwita mwajiriwa mstaafu au aliyefukuzwa kazi na kumhoji juu ya mambo mbalimbali yahusuyo usalama na afya katika kiwanda hicho au mahali pa kazi ambapo alikuwa ni mwajiriwa wake (kifungu cha 6 (1) (j)).
Ndiyo, mkaguzi ana uwezo wa kumtoza faini mwajiri anayekutwa na kosa chini ya sheria bila kumfikisha mahakamani. Hii ni kwa makosa kama vile kumzuia mkaguzi kutekeleza majukumu yake kwa mujibu wa sheria, kushindwa kusajili kiwanda au mahali pa kazi na kuendelea kufanya kazi bila kusajiliwa, kuendelea na ujenzi wa kiwanda baada ya michoro kuthibitishwa bila kumwita Mkaguzi Mkuu kwa ajili ya ukaguzi mwingine, ukosefu wa vifaa vya kuzima moto, ukosefu wa sanduku la huduma ya kwanza lenye vifaa maalumu kwa ajili ya huduma ya kwanza mahali pa kazi, ukosefu wa vyoo mahali pa kazi, kushindwa kutoa taarifa kwa Mkaguzi Mkuu baada ya kufunga biashara au kuacha kuendelea na kazi na kadhalika. Mwajiri anaweza kutozwa faini moja kwa moja na mkaguzi bila hata kwenda mahakamani kwa mujibu wa sheria.
Ndiyo, Mkaguzi Mkuu ana mamlaka ya kumsimamisha mmiliki wa kiwanda au mahali pa kazi kutoendelea na kazi kwa muda pale anapojiridhisha kuwa mwajiri huyo hajatii matakwa ya sheria kuhusu usalama na afya mahali pa kazi.
Ndiyo, Mkaguzi Mkuu ana mamlaka ya kuuliza taasisi zingine za kiutawala kuhusu usahihi wa taarifa zilizotolewa na mwajiri katika maombi ya usajili wa kiwanda au mahali pa kazi.
Ndiyo, Mkaguzi Mkuu anapokataa kufanya usajili wa kiwanda au mahali pa kazi baada ya kupokea maombi ya usajili ana wajibu wa kutoa sababu za kukataa huko kwa maandishi.
Ndiyo, Mkaguzi Mkuu anaruhusiwa kukasimisha mamlaka yake kwa afisa yeyote.
Ndiyo, mtu yeyote anaweza kutoa taarifa kwa Mkaguzi Mkuu au mkaguzi yeyote pale anapoona kuwa Sheria ya Usalama na Afya Mahali pa Kazi inavunjwa.
Ndiyo, mwajiri ana wajibu huo wa kuhakikisha kuwa wafanyakazi wanapata mafunzo, maagizo, maelezo na usimamizi kuhusu usalama na afya mahali pa kazi kwa ajili ya kuwalinda dhidi ya hatari mbalimbali mahali pa kazi.
Ndiyo, Mwajiri ana wajibu wa kusaini ripoti ya ukaguzi ambayo huwa kwenye fomu maalumu.
Ndiyo, mwajiri ana wajibu wa kuweka mazingira wezeshi na salama kwa ajili ya shughuli za ufuaji wa nguo na mavazi mengine kiwandani kulingana na aina ya kazi yenyewe.
Ndiyo, mwajiri ana wajibu wa kuweka mazingira wezeshi na salama kwa ajili ya shughuli za ufuaji wa nguo na mavazi mengine kiwandani kulingana na aina ya kazi yenyewe.
Ndiyo, mwajiri au mmiliki wa kiwanda au eneo la kazi ana haki ya kumwomba cheti mtu yeyote anayejitambulisha kama mkaguzi ili kujiridhisha kama mtu huyo ni mkaguzi kweli kisheria.
Ndiyo, mwajiriwa ana haki ya kutoa taarifa kwa mwajiri pale anapoona kuwa mazingira anayofanyia kazi kiwandani au mahali pa kazi si salama kwake.
Ndiyo, ni lazima kisheria kwa mwajiri kuwapatia waajiriwa vifaa vya kujikinga na hatari popote pale inapowezekana kama waajiriwa hao wanafanya kazi katika mazingira ambayo wakati wowote yanaweza kusababisha ajali au majeraha.
Ndiyo, ni lazima kwa mujibu wa sheria kila eneo la kazi kuwa na sanduku la huduma ya kwanza lenye viwango vinavyotakiwa na lenye vifaa vyote vya muhimu kwa ajili ya utoaji wa huduma ya kwanza.
Ndiyo, sheria inaelekeza kuwa ni lazima kuweka notisi katika kila chumba cha kazi inayoonesha jina la mtu mwenye sanduku la huduma ya kwanza kwa wakati fulani.
Ndiyo, sheria inaelekeza kuwa waajiriwa wanatakiwa kuwekewa mazingira yote wezeshi kwa ajili ya kufua mavazi yao kadri iwezekanavyo.
Ndiyo, sheria inaelekeza kuwa wafanyakazi (waajiriwa) wanaweza kufanyiwa vipimo vya afya wakati wowote.
Ndiyo, Sheria inampa mamlaka Waziri mwenye dhamana kukubaliana au kutokubaliana na maamuzi yaliyotolewa na Mkaguzi Mkuu. Hivyo, Waziri anaweza kutoa maamuzi tofauti na yale yaliyotolewa na Mkaguzi Mkuu.
Ndiyo, sheria inamruhusu Mkaguzi Mkuu kukataa kutoa uthibitisho wa michoro ya majengo ya kiwanda au mahali pa kazi baada ya kuwasilishwa kwake.
Ndiyo, sheria inamtaka mkaguzi yeyote kutoa na kuonesha cheti chake baada ya kuombwa kufanya hivyo kabla ya kuanza zoezi la ukaguzi wa kiwanda au mahali pa kazi.
Ndiyo, sheria inamtaka mmiliki wakati wa kutuma maombi ya usajili kuambatanisha na ada ya usajili inayohitajika kwa mujibu wa maelekezo.
Ndiyo, Sheria inamtaka mtu yeyote anayetarajia kujenga kiwanda au mahali pa kazi kuwasilisha michoro ya kiwanda anachotarajia kujenga kwa Mkaguzi Mkuu kwa ajili ya uthibitisho.
Ndiyo, Sheria ya Usalama na Afya Mahali pa Kazi inamtaka mwajiri au mmiliki wa kiwanda au mahali pa kazi kuhakikisha kuwa njia ya kuingilia na kutokea mahali pa kazi inakuwa salama bila hatari kwa ajili ya matumizi ya wafanyakazi wake na watu wote.
Ndiyo, Waziri mwenye dhamana ya kazi ana mamlaka ya kuwataka waajiriwa wowote wakati wowote kupimwa afya pale anapoamini au kuona kuwa kuna uwezekano wa kuwa wamepata ugonjwa wa aina yoyote.
Ni wajibu wa mwajiri au mmiliki wa kiwanda au mahali pa kazi kuhakikisha kuwa mashine zote za kazi kiwandani au mahali pa kazi ziko salama kwa ajili ya matumizi ya waajiriwa.
Pale ambapo waajiriwa wanafanya kazi inayohusisha matumizi ya vifaa ambavyo vinaweza kusababisha hatari wakati wowote au madawa ambayo ni hatari, mwajiriwa anakuwa na wajibu kuhakikisha kuwa uchunguzi au tathmini ya hatari inafanyika kila mwaka au wakati wowote inapoonekana kuwa ni sahihi kufanya hivyo na pia mwajiri anatakiwa kuwasilisha kwa Mkaguzi Mkuu au mkaguzi yeyote ushahidi unaothibitisha kuwa tathmini hiyo imefanyika anapoombwa kufanya hivyo (kifungu cha 60).
Rejesta ya viwanda na mahali pa kazi ni daftari ambalo hutunza taarifa za waajiri au wamiliki wa viwanda na mahali pa kazi.
Rufaa huwasilishwa kwa Waziri mwenye dhamana ya mambo ya kazi.
Sheria inaelekeza kuwa lifti za majengo zinapaswa kukaguliwa au kufanyiwa uchunguzi walau mara moja kwa kila miezi sita.
Sheria inaelekeza kuwa mkaguzi anyeteuliwa anatakiwa kupatiwa cheti kinachothibitisha kuwa yeye ni mkaguzi kwa mujibu wa sheria.
Sheria inaelekeza kuwa ni lazima kuwe na vyumba maalumu kwa ajili ya waajiriwa kubadilishia mavazi na vyumba hivyo vya kubadilishia mavazi viwe tofauti kwa kila jinsi.
Sheria inaelekeza kuwa ni lazima mwajiri atenge vyoo kwa ajili ya waajiriwa wa kike na vyoo vingine kwa ajili ya waajiriwa wa kiume.
Sheria inaeleza kuwa anatakiwa kuwepo mtu mwenye mafunzo ya utoaji wa huduma ya kwanza katika mahali pa kazi na anatakiwa kuwepo mahali pa kazi wakati wote wa saa za kazi.
Sheria inaeleza wazi kuwa gharama zote wakati wa kufanya vipimo vya afya zinakuwa juu ya mwajiri.
Sheria inaeleza wazi kuwa gharama zote za uchunguzi zinagharamiwa na mmiliki wa kiwanda au mtu anayesimamia eneo hilo la kazi.
Sheria inaeleza wazi kuwa ni kosa la jinai mtu yeyote kumzuia mkaguzi kutekeleza majukumu yake.
Sheria inampa wajibu mwajiri mwenye waajiriwa zaidi ya wanne kuandaa kwa maandishi sera ya afya na usalama wa wafanyakazi, kuandaa miongozo ya namna ya kutekeleza sera hiyo, kubandika au kuonyesha sera hiyo maeneo yote ya wazi na kugawa nakala ya sera hiyo kwa kila mwajiriwa wake.
Sheria inamruhusu mkaguzi kufanya uchunguzi juu ya jambo lolote lililotokea eneo la kazi na kusababisha kifo, ugonjwa au majeraha kwa wafanyakazi au mtu yeyote wa karibu.
Sheria inamtaka mwajiri au mmiliki wa kiwanda au mahali pa kazi kuhakikisha kuwa maji safi na salama na ya kutosha yanapatikana kirahisi kwa ajili ya matumizi ya waajiriwa mahali pa kazi.
Sheria inamtaka mwajiri kujenga vyoo tofauti kwa ajili ya waajiriwa wenye ulemavu mahali pa kazi.
Sheria inasema kuwa kiwanda chochote au mahali pa kazi ambapo umeme hutumika, ukaguzi ufanyike kila mwaka na mkaguzi wa umeme aliyethibitishwa na mmiliki wa kiwanda au mahali pa kazi atapatiwa cheti kinachothibitisha kuwa ukaguzi huo umefanyika
Sheria inasema kuwa mkaguzi haruhusiwi kuchapisha au kuweka hadharani taarifa za mwajiri za kibiashara au za kiutendaji kazi anazozipata wakati anapotekeleza majukumu yake. Hata hivyo, kuna mazingira ambapo mkaguzi atatakiwa kuweka hadharani taarifa hizo hasa pale ambapo taarifa hizo zinahitajika kwa ajili ya kuendesha kosa mahakamani au pale ambapo taarifa zinahitajika kwa ajili ya shughuli za kiutendaji chini ya sheria.
Sheria inatoa maelekezo kwa mmiliki wa kiwanda au eneo la kazi au msaidizi wake au mtu yeyote anayehusika kuhakikisha mkaguzi anatekeleza majukumu yake kisheria. Hii inajumuisha kumruhusu kuingia na kufanya ukaguzi na kumpatia nyaraka muhimu atakazozihitaji.
Siku ya Usalama na Afya duniani huadhimishwa tarehe 28 Aprili ya kila mwaka.
Ufuatao ni wajibu wa mfanyakazi chini ya Sheria ya Usalama na Afya Kazini; Moja, Kuchukua tahadhari kwa ajili ya usalama na afya yake na mtu mwingine ambaye anaweza kuathirika na vitendo vyake, Mbili, Kushirikiana na mwajiri pale panapowezekana ili kuwezesha mahitaji yaliyowekwa na mwajiri kufikiwa au kuzingatiwa kwa usahihi, Tatu, Kutekeleza amri yoyote ya kisheria yenye dhumuni la kulinda usalama na afya mahali pa kazi, Nne, Kutoa taarifa kwa mwajiri au mwakilishi wa usalama na afya mahali pa kazi juu ya hali yoyote au ajali ambayo inaweza kusababisha madhara kwa afya yake mahali pa kazi.
Usalama wa afya mahali pa kazi unasimamiwa na Sheria ya Usalama na Afya na Mahali pa Kazi ya mwaka 2003 pamoja na kanuni zake.
Waziri mwenye dhamana ya mambo ya kazi baada ya kupokea rufaa anatakiwa kutoa maamuzi ndani ya siku thelathini (30).
Subscribe to our newsletter to get the latest news and updates from Sheria Kiganjani
